மணிக்கு 145 கிலோ மீற்றர் வேகத்தில் இந்தப் புயற் காற்றின் சீற்றம் காணப்பட்டதாகத் தெரிவிக்கப்படுகிறது. பிரான்ஸில் மட்டும் சுமார் 45 பேர் மோசமான காலநிலையினால் உயிரிழந்துள்ளனர். இந்த மோசமான காலநிலை ஜெர்மனிய மற்றும் பெல்ஜியம் ஆகிய நாடுகளையும் தாக்கக் கூடுமென எதிர்பார்க்கப்படுகிறது.

கடற்கரை நகரங்களே அதிகளவில் பாதிக்கப்பட்டுள்ளதாகவும், வெள்ளம் காரணமாக மக்கள் பெரும் இன்னல்களை எதிர்நோக்கி வருவதாகவும் தெரிவிக்கப்படுகிறது, வெள்ளம் மற்றும் புயற் காற்றில் சிக்கிக் காணாமல் போனவர்களை தேடும் பணிகள் முடுக்கி விடப்பட்டுள்ளதாக மீட்புப் பணியாளர்கள் தெரிவித்துள்ளனர்.

மோசமான காலநிலையினால் சொத்துக்களுக்கு ஏற்பட்ட சேத விபரங்களோ அல்லது உயிரிழப்புக்கள் குறித்த பூரண தகவல்களோ இதுவரையில் வெளியிடப்படவில்லை. அநேகமான பகுதிகளில் மின்சாரம் உள்ளிட்ட அடிப்படை சேவைகளை பெற்றுக்கொள்ள முடியாத நிலை ஏற்பட்டுள்ளதாகத் தெரிவிக்கப்படுகிறது.