நெல்சன் மண்டேலாவின் 92 ஆவது பிறந்தநாள், ஜோகனஸ்பர்க் நகரில் கொண்டாடப்பட்டது. அதில் பங்கேற்று விட்டு, அவருடைய 2 பேத்திகள் தங்கள் காரில் வீட்டுக்குத் திரும்பிக் கொண்டிருந்த வேளையிலேயே இக்கொள்ளை முயற்சி இடம்பெற்றுள்ளது.

வீட்டு வாசலில் கார் நுழைந்தவுடன், துப்பாக்கியுடன் பின்தொடர்ந்து வந்த 2 மர்ம ஆசாமிகள், மண்டேலாவின் 2 பேத்திகளையும் பிடித்துக்கொண்டனர்.

கொள்ளையரில் ஒருவன் துப்பாக்கியால் சுட்டான். உடனே, கார் சாரதி பதிலுக்கு சுட்டார். இதையடுத்து, 2 கொள்ளையர்களும் தப்பி ஓடிவிட்டனர்.

இச்சம்பவத்தில் எவரும் காயமடையவில்லை. பொருட்களும் கொள்ளை போகவில்லை என்று பொலிசார் தெரிவித்தனர்.