ஆப்கானிஸ்தானில் அமெரிக்கப் படையினர் மேற்கொண்டு வரும் இராணுவ நடவடிக்கைகள் தொடர்பான பல திடுக்கிடும் உண்மைகளை விக்கிலீக்ஸ் இணையம் அண்மையில் வெளியிட்டிருந்தது.

விக்கிலீக்ஸ் இணையம் அமெரிக்க இராணுவத்தின் 90000 இரகசியங்களை வெளியிட்டுள்ளது.

குறித்த இணையத்தின் நடவடிக்கை அமெரிக்கத் தேசியப் பாதுகாப்புக்கு அச்சுறுத்தல் ஏற்படும் வகையில் அமையப் பெற்றுள்ளதாக குற்றம் சுமத்தப்பட்டுள்ளது.

தலிபான்களுக்கு எதிரான போராட்டத்தின் போது, ஆப்கானிஸ்தான் சிவிலியன்கள் கொல்லப்பட்ட விதம் தொடர்பிலும் இந்த இணையத்தில் விபரிக்கப்பட்டுள்ளது.

அமெரிக்க இராணுவ வரலாற்றில் அதிகளவான இரகசியங்கள் அம்பலமான முதலாவது சந்தர்ப்பம் இதுவெனக் கருதப்படுகிறது.

இந்தத் தகவல்களின் நம்பகத்தன்மையில் எவ்வித சந்தேகமும் கிடையாது என விக்கலீக்ஸ் இணையத்தின் ஸ்தாபகர் ஜூலியன் அசான்ஞ் தெரிவித்துள்ளார்.

வெளியிடப்பட்டுள்ள தகவல்களினால் அப்பாவிகளுக்கு ஆபத்து ஏற்படக்கூடாது என்பதில் தமது இணையம் மிகவும் நிதானமாக செயற்பட்டு வருவதாக அவர் குறிப்பிட்டுள்ளார்.