தென் ஆபிரிக்காவில் நடந்த உலகக் கிண்ண உதைபந்தாட்டப் போட்டியின் போது ஸ்பெயின் வெற்றி பெறும் என்று கணித்துக் கூறிய போல் உலகில் பிரபலம் பெற்றுத் திகழ்ந்தது.

இதனிடையே போல் பல கொலை அச்சுறுத்தலுக்கும் உள்ளானது.

ஒக்டோபஸ் வைக்கப்பட்டிருக்கும் ஜெர்மனி அருங்காட்சியகத்துக்குச் சென்ற ஸ்பெயினின் ஓ கார்பலினோ நகர மேயர் கார்லோஸ் மான்டெல், அதற்கு நினைவு பரிசு ஒன்றையும் ஸ்பெயின் நாட்டு குடியுரிமைக்கான பத்திரத்தையும் வழங்கிக் கௌரவித்தார்.

மேலும், போல் என்ற ஒக்டோபசை விலைக்கு வாங்கித் தங்கள் நாட்டுக்குக் கொண்டு செல்ல தொடர்ந்து முயற்சிப்பதாகவும் அவர் தெரிவித்துள்ளார்.

கார்லோஸ் மான்டெல் ஏற்கனவே ஒக்டோபசை விலைக்கு வாங்க முயன்றபோது அதை விற்பனை செய்ய ஜெர்மனி அருங்காட்சியகம் மறுத்து விட்டமை குறிப்பிடத்தக்கது.