சிங்கப்பூரில் நடந்து வரும் ஆசிய-பசிபிக் பொருளாதார ஒத்துழைப்பு மாநாட்டில் பங்கேற்ற பின்னர் வரும் 16ஆம் தேதி இந்தியா வரும் கனடா பிரதமர் ஸ்டீபன் ஹார்பர், 3 நாட்கள் இந்தியாவில் சுற்றுப்பயணம் செய்கிறார்.

ஹார்பர் மற்றும் அவருடன் வரும் உயரதிகாரிகள் குழு, இந்தியப் பிரதமர் மன்மோகன் சிங்கை சந்தித்து இருதரப்பு உறவுகள் குறித்து பேச்சு நடத்துகின்றனர். இந்த சந்திப்பின் போது கனடா நிறுவனங்கள் அணு சக்தி தொழில்நுட்பத்தை இந்தியாவுக்கு வழங்குவது தொடர்பாக இருநாடுகளுக்கு இடையே மேற்கொள்ளப்பட்ட அணு சக்தி ஒத்துழைப்பு ஒப்பந்தம் இறுதி செய்யப்படும் எனத் தகவல்கள் தெரிவிக்கின்றன.

இந்திய சுற்றுப்பயணத்தை நிறைவு செய்த பின்னர் பிரதமர் ஸ்டீபன் ஹார்பர் சீனாவுக்கு சுற்றுப் பயணம் செல்கிறார்.